forum.Mashal.org

Wednesday, 08 December 2010 12:57
انګار وطن پال
ګرانو دوستانو، څرنګه چی ټول افغانان پدی پوه دي چه د افغانستان د اسا سي قانون په اسا س دولسي جرګی دو کیلا نو شمیر او تعداد د هر ولا یت نه د نفوس په معیار انتخا بیږي او هر و لا یت ته د نفوس د شمیر په نظر کی لرلو سره دوکیلانوسهم او برخه ورکړشویده نو پدی اساس د هیواد په هغو ولسوالیو کی چه امنیتي وضع ښه نه وه او خلک یا ولس ونه توا نیدل خپل د نظر وړکاندید ته رایه ور کړي فلهذا دهغوولسوالیو دتعداداونفوس په نظرکی لرلو سره متناسب دوکیلانو څوکی با ید خا لي او تشی پریښودل شي او هر کله چه امنیتي وضع ښه شوه نو بیا دی هلته انتخا بات وشي او د خلکو د نظر وړ کاندید دی معرفي شي.

تر کومه ځا یه چه لیدل کیږي او سنۍ پا رلمان یا ولسي جرګه یواځی او په ځانګړي توګه دقومي اوسمتي ګرو پونونما یند ه ګي کوي نه د ټول ولا یت او ملت ، بنآ د یوی یا څوولسوا لیونما ینده ګان نشي کولای دټول ولا یت نما ینده ګي وکړي او د قوانینو د تصویب په وخت کی د پا تی ولس نظر تسجیلولای نشي.
ولسي جرګه خو د ولس له نما یندګانوڅخه یو جوړ شوی ار ګان دی، هلته چه د ولس نما ینده بنا پر مختلفو دلا یلواو له هغی جملی نه د امنیت نه تا مینول چه د دولت اساسي وظیفه ده د خلکود مستقیمو رایو په اساس انتخاب نشي دلته دولس څه ګنا ده ، او ایا داد انصاف خبره وه چه دنمو نی په تو ګه د غزني ولا یت د ۱۶ ولسولیو نه صرف په ۴ ولسوا لیو کی امنیت ټینګ وی نو بیا د پا تی نورو ۱۲ ولسوالیوسیاسي واک هم همدوی ته پریښودل شي البته داد عدالت او انصاف نه لیری پریکړه ده ، چه پدی پریکړی او بی عدالتي حتا د انګلستان سفیرپه افغانستان کی هم خپله حیرانتیا ښکاره کړه او دخپل افسوس د ښودلو �
�ه خاطريي دافغان دولت او د ټاکنو کمیسون ته دا وړاندیز وکړچه د غزني ولایت دکاندیدانو پا یلی با ید اعلان نشي خو چا ور ته غوږ ونه نیوه اود محترم مو لا نا فضل احمد معنوی له خوا پا یلی په ډاګه اعلان شوی، په هر صورت مو نږ پښتانه دا نه وایوچه هزاره ورونه پدی پارلمان کی دا حق نلري ، مګر ددوی د عکس العملونه دا سی بریښي چه دوی به صرف د خپلو ګټو مدافعین وي نه د ټول غزنی و لایت.
مګر دوستانودادتعجب وړ خبره نه ده ځکه چه پدی ورستیو کلونو کی هزاره ټبر( قوم) د یو ستر مشر په درلودلوسره د افغانستان لوی اکثریت تشکلوي نه د نفوس په توګه، دا په دی معنی کله چه د میدان وردک په ولایت کی په یوه ډیره وړه حقو قي موضوع چه د میشته اوسیدونکو او کو چیانو تر مینځ دمځکی او څړ ځا یونوپر سرمشکلات را پیداشول نو محترم عبدالکریم خلیلي د جمهوری ریاست دو هم مرستیال چه دموضوع د حلولولپاره سیمي ته ورغی او د خپل قوم خواته ولاړ او خپله سینه يي هغوی ته وډبلوله او داسي وویل( دکرزي په شان کمزورۍ خو زه نه یم چه به ډارکړم + په ښکاره ناری وهم چه هزاره یم ) او خپل هزا
�ره قوم ته يي ډاډ ورکړ چي زه به حتمآ کوچیان له سیمي با سم ، په رښتیا سره تر څو چی کو چیان يي له سیمي نه ونه شړل حتی خپلی رسمي دندی لپاره راستون نشو، دکومی دندی لپاره چی دی له جناب جمهور ریس او د هغه له لمړي مرستیال سره یو ځای سوګند یاد کړی ووچه زه به د افغانستان ټولو خلکواو ولسو نوته خد مت کوم نه کومی خا صی ډ لی ، یا قوم ته ، خو هغه سوګند یي تر پښو لاندی او هیر کړ. ا یا دلته زمونږ هزاره ورونه چه په ټول احترام او در ناوی سره چی ددی له ټو لو سیاسي ، اجتما عي ..... حقو قو خاوندان دي بیا داسی عمل ونکړي ?
درنو لوستونکو ، دپورتنیو څو ټکو په نظر کی لرلوسره که یو پښتون مشر( اول خو نشته) که چیری وای داسی یو عمل لکه څنګه خلیلي صا حب د هزاره قوم په خاطر وکړ، کړۍ وای نوهزاره قوم به زمونږ پښتنون قوم په مقا بل کی څو مره غبرګونونه ښودلی وای اما مونږ پښتا نه همیشه او هر وخت پټه خوله پا تی شوي یو دا ځکه چه پښتنوته څر ګنده شوی ده چه د افغانستان په تا ریخ کی په پښتون قوم یو داسی مشر پیدا نشو چه دپښتون قوم نه يي په ډاګه ملا تړ کړی وي ، ورونو، مشر خو لا څه حتی یوغمخورپښتون وزیرهم د افغان دولت په کا بینه کی پیدا نشو چه د پښتنويي په ډاګه ملا تړيي کړی وي او که کوم پښتون وزی
ر وو هغه ته يي د مرګ جام ور په برخه کړ.
ګرانولوستونکو ، ټولو افغانانو ته معلو مه شوی چه د سمتي او قوم پرستي انګیزه یواځی دهزاره ورونو په فکرونو کی شته د نمو نی په تو ګه کله چه د بن په غونډه کی د افغانستان د دولت په خا طر کوم تشکیل جوړشو نو د تجارت وزارت هزاره ورونو ته په نښه شو او وزیر يي خدای بخښلی کا ظمي صا حب و ټا کل شو، خو کا ظمي صا حب د هزاره قوم د تیرو کړاونو او مشکلاتو په نظر کی لرلو سره په خپله دنده کی یو داسی تګ لاره غو ره کړچه دوزارت په تشکیل کی د وزارت مقام نه نیولی تر پیا ده پوری ټول هزا ره ورونه په دندو و ګمارل ، حتی د افغانستان په بهرنیو سفارتونو کی د اتشه تجارتي په پوستونو کی ټو
ل هزاره ګان مقرر شول ، خو خبره داده چه پښتنو د تا ریخ په او ږدو کی داسی کار نه دی کړی، او اوس چه کوم پښتانه ورونه د طا لب او ملا په نوم دووطن د ازادی په خا طرقرباني ور کوی هغو ی هم په لوی لاس هزاره ورونو او نورو ته دا زمینه برابره کړی چه په پارلما ني ټا کنو کی دی بر یا لي شي او داسی ګمان بریښي چی پښتانه طالبانو د هزاره ورونوسره لاس یو کړی دی ، نو ځکه يي په پښتنو سیمو کی په پارلما ني ټا کنويي بندیز لګولی وو.
ګرانو لوستونکو ، هغه ورور چه د محمد اسلم سلیم په نامه د خاوران په سایت کيئ د غزني د ټا کنو په هکله څه لیکلي دي ، د هغه ورور ټولی خبری بی بنیاده دي ځکه چه هغه په کرزي صاحب دا تور لګولی چه په خپل اداري تشکیل کيي ټول افغان ملت ورونو ته ځای ورکړی دی نو ځکه کرزی صاحب د غزني د ټا کنودپا یلو د اعلان سره خپل مخا لفت ښيي، نوزه ددی ورور په ځواب په احترمانه توګه داسی وایم ، چه اول خو کرزی صا حب هیڅ وخت او په هیڅ ځا ی کی د پښتنو دګټو د خوندي سا تلو په خا طر کو مه د فاع نده کړی او که يي دفاع کولای نو د ومره مشکلات اوبد بختي چی همدا او س په پښتنو روانی دي دا به نه وای ، د
وهم دا چه محمد اسلم ورور د افغانستان په هکله او د افغانستا ن د اداری تشکیل په مورد کی پوره معلومات نلری نو ځکه زه فکر کوم چه دا ورورد افغانستا ن نه بهر په کوم بل ملک کی ‌ژوند کوي نو ځکه د لیری نه دا فکر کوي او که په داخل کی وای نو حتمآ ده ته به دا پته لګیدلی وای چه همدا اوس د کرزي صا حب په اداري تشکیل کی ټول هغه ستمیان دي چه د افغانستان د تجزيي او بحران د پاره لمن وهي او د همسا یه هیواد ګټی د خپل و طن د ګټو نه بهتر ګڼي اوخپل ملي عنعنات ، دود او دستور يي ترپښو لا ندی کړی او د کرزی په اداره کی د همسا یه هیواد د یو اجنټ په توګه دنده سرته رسوی ، نو په اخیرکی د م
محترم ورور محمد ا سلم نه احترامانه هیله کوم مخکی دد ی نه چی د یو موضوع په هکله څه ووايي با ید د هغی مو ضوع په مورد کی پوره معلو مات ولری.
ګرا نو لو ستو نکو ، هیله کوم د پورتنۍ مو ضو ع په هکله ستا سو د وړاندیزو نو او نیوکو غوښتو نکۍ یم ، په درنښت
انګار وطن پال

نن په افغانستان کی ټول قتلونه د ISI طالبانو ، کرزی مافیایی دله او فبایلیانو په مرسته کیږی

ليک : کرن زوی ، هامبورگ
په لزبون کې د ناتو د پیمان په ناسته کې بنسټیزه پریکړه دا شوې ده چې د ۲۰۱۴ م کال تر پایه په افغانستان کې افغاني ځواکونو ته د هیواد امنیتي چارې په بشپړه توګه وسپارل شي ، د دې پریکړې اړوند سیاسی کتونکو اوڅیړنیزو مرکزونو ډول ډول لیدلوري په ډاګه کړی دي ، چې پورتنی سرلیک هم د دې نوې ستراتیژۍ اړوند د ((نړیوالو بحرانونو د ټولنې )) د یوه راپور سرلیک دی .

ډیر کتونکي په دې باور دی چې په دې پریکړه کې د ناتو د ځواکونو شکست او ماتې نغښتې ده ، خو تر وتولو وړاندې توطیئه دا ده چې افغانان په خپل منځي جګړه کې ښکیل کړي ، څرنګه چې د تیرې پیړۍ په نهمه لسیزه کې ښکیل وو ، ځکه چې د بهرني ځواکونو په وتلو سره به هغه حکومت چې د بهرنيو ځواکونو پر مټو یوازې په لویو ښارونو کې حکومتداري کوي ، له واقعي ستونزو سره مخ شي ، هغه حکومت چې ونه توانید چې د نهو کالونو په اوږدو کې د ولس سره اړیکې ټینګې کړي ، او دولس غوښتنې پرځای کړي ، به دسختدریځو ډلو تریرغل لاندي ونړیږي . که چیرې یوځل بیا په افغانستان کې د حکومت واګې هغه ډلې په لاس کې اخلي چې د ناتو ځواکونو د امریکا په مشرۍ د هغه د نابودولو لپاره افغانستان ته راغلي وو ، دا به د لویدیځ ځواکونو ته یو لړزونکی شکست وي ، د لویدیځ پرسیاسی نظام د دغه شکست د ناوړه اغیزې د مخنوی لپاره د ناتو ځواکونو د امریکا په مشرۍ هڅه کوي چې تر ۲۰۱۴ م کال پورې د حکومت نظامی قوت دومره پیاوړی کړې ، چې و کولای شی د هغو سختدریځه ډلو په وړاندې تر یوې داسې مودې مقاومت وکولای شي چې دوی ئې په دوران کې له افغانستان نه پرته له ښکاره شکست او ماتې څخه ووځي .

دا چې امریکا افغانستان ته جنګي ټانګونه راوړي او ځیني اورپایی هیوادونه سپکه وسله د افغانستان حکومتي ځواک ته ورکوی ، دا ټول په لزبون کې د نوې سترتیژي یوه برخه ده ، تر څو په افغانستان کې د دوو متضادو ډلو تر منځ نظامی تعادل او توازن رامنځ ته کړي ، چې یوه ډله هم په لنډ مهال کې د پریکنده بری جوګه نه وي ، او جګړه ایز حالت په افغانستان کې ادامه پیدا کړي ، د دې تر څنګ د دولت پر ضدد مقاومت د ډلو په وړاندې د کابل د حکومت تر شا د ایران هند او روسیې مثلث هم ودروي ، چې د حکومت څخه حمایت وکړي . تر څو د افغانستان واکمنۍ ته هغه سختدریځه یا بنسټپاله ډلې راونه ګرځي ، هغه چې دوی ئې نابودۍ ته راغلی وو .

که څه هم د دغه ستراتیژۍ سره چې د ناتو ډیر هیوادونه موافق دی ، امریکا ورسره په بشپړه توګه موافقه نه ښکاري ، او نه غواړې چې د دغې ماتې په پایله کې یو ځل بیا د دوی زوړ رقیب او سیال روسیه اوپه اقتصادی ډګر کې نوی سیال چین افغانستان ته راوګرځي او د دوی اقتصادی او ستراتیژي مصلحتونه په دې سیمه کې وګواښي . خو هغه څه چې په لزبون کې د ناتو د پیمان د ناستې د پریکړووپه هکله جوته ده هغه دا ده چې په دې پریکړه کې په افغانستان کې د اشغالګرو ځواکونو ماتې نغښتې ده ، او دنړیوالو څیړنیزو مرکزونو راپورونه په دې دلالت کوي ، چې دا لاندې راپور هم دا لیدلوری تایدوي :

د((نړیوال بحرانونو ټولنه)) په خپل یوه راپور کې په ډاګه کوي ، چې لویدیځوال په افغانستان کې بریالی نه شول ، اودکال ۲۰۱۴م په پای کې دافغانستان څخه دوتلو دټاکل شوي مهال ویش په پایله کې به افغانستان د داخلي جګړې سره لاس ګریوان شي .

دامریکا په مشری نړیوال اتلاف په افغانستان کې وروسته له نهو کلونو بریالی نه شو چې د طالبانو حرکت له منځه یوسي ، او د عاموخلکو تاید تر لاسه کړي ، او یو قوي او پياوړی حکومت او امنیتي ځواک رامنځ ته کړي .

دنړیوال بحرانونو ټولنه وایي :" ډیر لږ داسې نښې او عناصر لیدل کیږي ،چې په دې دلالت وکړی چې د ناتو او امریکا ځواکونو طالبان کمزوري کړي ، او واقعت دا دی چې طالبان تر نورو وختونو زیات قوی شوي او ډیر مرکزونه او ځالې لري او پاکستان ورنه حمایت کوي " .

راپور زیاتوی چې د بیګاناه وګړو وژنه د۲۰۱۰ م کال په لومړۍ نیمه برخه کې یو په دریه لوړه شوی ده ، په لزبون کې د ناتو دناستې د پریکړې پر بنسټ د ناتو نوې ستراتیژي په دې تکیه کوي چې د ۲۰۱۴م کال تر پایه باید د هیواد امنیتي چارې افغان ځواکونو ته وسپارل شي .

راپور زیاتوي :

"په پولیسو کې تمه اوفساد خپور، او په رویه کې ډیر تند رو دي ، پوځ د څو قوی کسانو له خوا اداره کیږي ، افغاني ځواکونه ته په پوره توګه ټریننګ نه دی ورکړی شوی او له صفونو نه ئې عسکر تښتي ، او د طالبانو سره ډیره نا چیزه مقابله کوي ".

اوراپور په دې اند دی چې دې وتلو په هکله د ناتو ټاکل شوی مهال ویش په کال ۲۰۱۴م کې د افغانستان دکشالې حل نه دی .

دنړیوال بحرانونو ټولنه په خپل راپورکې زیاتوي : " چې له بهرني مرستې نه پرته حکومت نړیږي ، او طالبان به دهیواد په ډیره برخه واکمن شي ، او داخلي ستونزې به یوځل بیا د خپلمنځۍ جګړو لامل شي ، څرنګه چې د تیرې پیړۍ په نهمه لسیزه کې شوې وې "، او زیاتوي : چې دسیاسی موسساتواو محلي ارګانونو دنوښت او پرختیا لپاره او همدا راز د یوه پیاوړي قضایی نظام دجوړولو لپاره ډیر کم زیار ایستل شوی دی ، او دا خالګاه نورو قوتونو ډکه کړې ده ، او دا ناکامي په اساسی ډول د امریکا پرلپسې ادارو ته متوجه کیږی .

خپرونكئ: شیرداد اصالتی/

سلامونه او نیکی هیلی

زه یو پوشتنه مطرح کوم مګر نه پو هیګم چه نن یا صبا یی مطرح کم

Friday, 17 December 2010 22:56
ا نګار وطنپال
خوږولوستونکو، هرڅومره چی کوښښ وکړوچی چوپه خوله پا تی شواو څه ونه لیکومګربیا هم کله چی د ملي خا ینانواو متعصبو کسانو د خولو نه څه ووځي نو بیا زمونږ زړونه هم پړسیږی او دوی دی ته مونږ مجبوره وي چی حتمآ یوڅه نا څه ووایو او یا يي ولیکو، مطلب دا چی څو ورځی مخکی کله چی می خپل تلویزون ولګا وه نوسمد ستي د تلویزون په پرده کی د شمالی ټلوالی په غړي ملا معنوي خپلی سترګۍ ولګیدی، خدای ته چی ښکا ره وی اول خوډیر خوشحاله شوم او دځان سره می وویل که خدای کوي د افغانستان پارلماني لا نجمنه موضوع لکه چی د حل لاره ومونده مګر کله چی ملا خپله �
�وله خلا صه کړه او په تریپ وچلي او تنده لهجه د خپل زور، زر او واک په در لودلو سره( او هم خلکو به دا فکر کړی وي چه کرزی صاحب ده د ریاست جمهوری په څوکی کینولی دی ) خپلی خبری ددی لغات (بطلان) په ویلو شروع کړی او بیا يي د (خیال ، محال او جنون ) جملی په ویلو سره چی خطاب يي لوی څارنوالی ، ستره محکمه اوکرزی صاحب وو نو خپلی ټولی خبری یی پا ی ته ورسولی اوبلا خره کنفرانس پای ته ورسیده او دکنفرانس نه وروسته دی نتیجی ته ورسیدم او داسی راته څرګنده شوه چی ملا جعلی د خپل زور او قدرت په درلودلو سره خپل ځان د پورتنیو ارګانونو نه پورته ګڼی یعنی پدی ما نا که پورتني ارګانونه
دانتخا باتو د پا یلو با طلولو پلان لری دا به هسی دهغوی خیال ، محال لا څه بلکی دا به دهغوی لیونتوب وي . ورونو ، که ده ملا جعلی د کنفرانس ټولو خبرو ته ښه ځیر شو داسی څرګندیږ چه معنوی دافغانستان د اینده بحران او کړکیچ کومه پروا نلري. او بل داچی معنوی په خپلو خبرو کی داسی لغات استعما لوی چی تا سو به فکر کوی چی معنوی د ادبیات د دری څانګی دری پوهنځی لوستی دي مګر نه دا هغسی خبره نه ده ځکه چی معنوی پوهنځی خو لا څه چی حتی خپل ابتدايي تعلیمات یی هم سرته ندی رسولي او اوس چی کوم د ماستری دیپلو مه په لاس کی لری هغه هم جعلي ده.
خوږو مینه والو، څرنګه چی تاسو ته پدی څو ورستیو لسیزوکی پوره څرګنده شوی ده چی د افغانستا ن د پرمختګ او ترقي ضد عناصرو همیشه او هر وخت په یوه اوپه بله بهانه غواړي د ګران افغانستان د کړکیچ او بحران د پاره لمن ووهي او وهلی ده او غواړي دګاونډیو هیوادونوپه لمسون زمونږ د ګران افغانستان د مظلومو ولسونوسوکاله او ارامه ژوند د خپلو شخصي ګټواو د بیګا نه هیوادو د ګټو په خاطرنا ارامه او په خطر واچوي البته ددی ټولو کړکیچونو او بحران عامیلین یوازی او یوازی شما لي ټلواله ګرځیدلی ده ، د بیلګی په توګه ، دسږکال د ولسي جرګی انتخابات چی د فساد او در غلیو نه ډک انتخابات وه او ټو لو ولسونو ته دا په ډاګه شوه چی پدی انتخاباتو کی په پراخه کچه لاس و هنی شوی دي ، خو تر ټولو نه د نا ځانګړي انتخاباتو کمیسون مشراو د شما لي ټلوالی تند لهجه او متعصب غړي مو لانا صاحب معنوي ښه پوهیده چه په دی انتخاباتو کی در غلی او فساد دخپل حد او حدود نه وتلي خو بیا هم سره ددی دانتخاباتو د پا یلو اعلان يي په ډاګه وکړاوپه عملي توګه يي دبحران او کړ کیچ دپاره لمړنۍ ګام پورته کړ، په پښتوکی یو متل دی وايي چی (( هرشی چی د خپل حد اوحدود نه زیات شي نو بیا رسواشي)) او دا یوحقیت او وا قیعت دی، خو اوس خبره داده که چیری دولت په رښتیني وغواړي دافغانستان د اینده بحران مخه ونیسي نو پکار ده چی د معنوي صاحب په مقابل کی جناب محترم کرزی صاحب او د هیواد با صلاحیته ارګا نونه لکه لوی څارنوالي ، عدلي او قضايي ارګانونه د انتخاباتو اعلان شوی پایلی نه یوازی باطل کړی بلکی ټول هغه کسان چی پدی درغلیو کی لاس لري او د مظلوم ولس او خاصتآ د پښتون ولس په رایويي ملنډی وهلي د عدالت او محکمی میز ته راکش کړي او دټول ولس په یوعام محضرکي په درنده جزاورسوي چی په اینده کی نورو ته دعبرت سبب وګرځي.
خوږولوستونکو، د ویلو خبره خو داده چی شمالي ټلوالی خو لا یو کال مخکی دپارلماني انتخاباتو نه د افغانستان بحران او کړکیچ ته پراخه لمن وهله ، هغه داچی که ستاسوپه یادوي دتیرکال د ولسمشري د انتخا باتونه وروسته دشمالي ټلوالی مشرډبل عبدالله کله چی د ولسمشری په ټاکنو کی پا تی راغی نوهروخت به يي دا ادعا کوله چی په انتخاباتو کی درغلی شوي دي دا پدی مانا چه دوی غوښتل د افغانستان وضع خرابه او کړکیچنه کړي او همیشه به يي په مطبوعا تی کنفرانسو کی د اوښکو په تویلو سره دا ناری وهلی چه زمونږ په حق کی ظلم شوی دی او دانتخاباتودشکایاتوکمیسون د درغلیوتحقیقاتو مسله را
پورته کړه او ددوهم ځل دانتخاباتو غوښتونکی شول ، خو کرزي صاحب د اینده بحران او کړکیچ د مخنوي په خا طر يي دا خبره ورسره ومنله مګر دا چی شمالي ټلوالی خپله آینه په او بو کی لیدله چه دوهم ځل بیا مونږ ګټونکی نشو کیدلای نو ځکه ډبل عبدالله ددوهم ځل د انتخاباتوکیدو نه يي دنا حقه اوښکوپه تویلو سره خپلی پښی يي له میدان وویستلی او دانتخا باتو نه يي صرف نظر وکړ، او بله خبره چی دیادولو وړده هغه داده چه د سږني کال پارلماني انتخاباتونه مخکی داسی ګنګو سی او اوازی وی چی د شمالي ټلوالی یو بل غړی بسم الله خان هغه وخت چی په دفاع وزارت کی يي د لوی درستیزپه توګه دنده سرته رسوله وايي چی هغه غوښتل چی ګران افغانستان یو ځل بیا د یو لوی بحران او کړ کیچ سره مخامخ کړي دا پدی ما نا چی بسم ا لله د کرزي صاحب ددولت پر ضد د یوی نظا می کودتا پلان درلود او غوښتل يي چی یوځل بیا د زرګونوانسا نانو د مرګ او بد بختی سبب شي مګر دی پدی خپلو کړنو بریا لۍ نشو، او اوس چی دکرنیو چارو په وزارت کی د وزیر په توګه دنده رسوي تاسويي په خپلو سترګوو وینی چی روابط د ظوابط نه بهترګنی او د وزارت په تشکیل کيي اساسي بدلون راوست حتا تر پیاده څوکۍ پوری خپل دخوښی کسان په دندو ګمارلي دي خو اوس دا لا جمن انتخابا تو ورته یوه ښه موقع پیداکړه چی ایا دوی به وکولای
شي چی پدی کار سره د افغانستان اینده بحران او کړکیچ ته زمینه برابره کړي او که نه.
خوږودوستانو ، د افغانستا ن مظلوم ولس همیشه او هر وخت چو په خوله پا تی شوی او اوس مونږ دا نه وایوچی په اوسني پارلمان کی ښه خلک نشته ، نه دا غلته خبره ځکه پدی اوسني پارلمان کی داسی کسان شته چی په ډیره شفافه او بدون د درغلیونه يي د خپل ولس او خلکو نه يي رايي اخیستی دي او خلکو دوی يي د یو انتخابا تي نما یندګا نو په توګه منلي او مونږ پدی کی هیڅ کوم شک او تر دید نه لرو، نو مونږ ددی ورونو نه دا هیله څرګنده وو چی زمونږ په خبرو نا امیده نشی اوهم تا سوګټونکو نما ینده ګا نو نه دا هیله کوو چی د ملي ګټود خوندي ساتلوپه خا طر د هغه نا راضي ورو نو سره لاس یو کړي کوم چی د فا سدواو متعصبو عناصرو له کبله پدی انتخا با تو بر یالي شوي ندي او دا جعلي پارلمان چی د انتخاباتو د کمیسون د مشرملا جعلي ( ملا معنوي) په مټه جوړ شوی با ید لړنګ يی کړی اود یو حقیقي او با ثباته انتخاباتو دپاره یو ښه زمینه برابره کړی. په در ناوی ا نګار وطنپال